❓Оила алоҳида яшаётган бўлса ота ёки онанинг фарзанди билан кўришиш тартиби қандай?
Савол❓Мени келиним 9 январда ота уйига кетиб қолган , неварамизни қаттиқ соғиняпмиз , ўғлим кўргани борса уйда йўқ , уҳлаяпти дийишади ёки эшикни умуман очишмайди , оҳирги 3 якшанбада шунақа бўлди , яшагиси келмаяпти боғлаб ўтиролмаймизку , 4 апрелда суд иши қайтарилди , суд томонидан .
Буви бн бобо томонидан судга берсак бўладими? Неварамни кўриш учун. Ёки ўғлим кимга мурожаат қилиши керак фарзандини кўриш учун? Шу масалада ёрдам берсангиз. Рахмат
ҲУҚУҚШУНОС ЖАВОБИ: Оила кодексининг 66-моддасининг мазмунига кўра бола қариндошлари билан кўришиш ҳуқуқига эга. Ушбу кодекс қоидаларига мувофиқ бола ота-онасига биринчи даражали қариндош ҳисобланди. Шундай экан, ота-она фарзандлар билан кўришиш ҳуқуқига эга.
Шунингдек, мазкур кодекс 71-моддасига кўра ота-она ўз болаларига нисбатан тенг ҳуқуқ ва мажбуриятларга эгадир.
Бундан ташқари кодекс 73-моддасида ота-она ўз болаларини тарбиялаш ҳуқуқига эгалиги ва тарбиялаши шартлиги мустаҳкамлаб қўйилган.
Сиздаги ҳолатни янада аниқ очиб берадиган нормага эътиборингизни қаратамиз. Қаранг! Боладан алоҳида яшаётган ота (она) бола билан кўришиш, унинг тарбиясида иштирок этиш ва таълим олиши масаласини ҳал этишда қатнашиш ҳуқуқига эга. Бу норма Оила кодекси 76-моддасида келтирилган.
Олий суди Пленумининг 1998 йил 11 сентябрдаги 23-сонли «Болалар тарбияси билан боғлиқ бўлган низоларни ҳал қилишда судлар томонидан қонунларни қўллаш амалиёти тўғрисида»ги қарорининг 7-бандига мувофиқ:
➖ боладан алоҳида яшаётган ота-онанинг ҳуқуқидан келиб чиққан ҳолда у билан кўришишда, шунингдек вояга етмаганнинг шу ота-она билан кўришиш ҳуқуқ ва манфаатларини ҳимоя қилиш заруратидан келиб чиқиб, суд ҳар бир аниқ ишнинг ҳолатларини инобатга олиб ҳал қилув қарорининг хулоса қисмида кўрилиш тартибини (вақти, жойи, кўришиш давомийлиги ва ҳ.к) баён этиши лозим.
Шунга кўра сиздаги вазиятда бола билан қачон, қандай тартибда кўришиш мумкинлигини суд белгилаб беради.Фуқаролик ишлари бўйича туманлараро судга сиз ва ўғлиз ариза бериб бола билан кўришиш ҳуқуқини белгилаб беришларини сўрашиз керак.
Manba: @Huquqshunos_yordami telegram kanal
