❓Вақтинчалиқ меҳнатга лаёқатсизлик нафақаси кимларга ва қанча миқдорда тўланади?
Cавол❓Мен боғчада ишлайман ишга кираётганимда аварияга учраганман. Хозирда балишнидаман 3-та фарзандим бор менга 100 фойиз ойлик чиқиш керак лекин булар 80 фойиз тулаябди маслаҳат берсангиз.қанақа қонун модага биноан бўлса ташлаберинг илтимос
ҲУҚУҚШУНОС ЖАВОБИ: Вазирлар Маҳкамасининг 2024 йил 31 майдаги 314-сон қарорига 1-ИЛОВА сифатида тасдиқланган «Вақтинчалик меҳнатга лаёқатсизлик, ҳомиладорлик ва туғиш бўйича нафақаларни ҳамда янги туғилган болани фарзандликка олган ёки унга васий қилиб белгиланган ходимга нафақани тайинлаш ҳамда тўлаш тартиби тўғрисида«ги Низомнинг 22-банди Вақтинчалик меҳнатга лаёқатсизлик нафақаси иш стажининг давомийлигидан қатъи назар, ўртача иш ҳақининг 100 фоизи миқдорида қуйидагиларга тўланади:
байналминал жангчиларга;
қарамоғида 16 ёшга (ўқувчилар 18 ёшга) етмаган уч ёки ундан ортиқ болалари бўлган ходимларга;
Чернобил АЕСдаги авария оқибатларини тугатишда қатнашган ходимларга;
Чернобил АЕСдаги авария натижасида радиоактив ифлосланиш зонасидан эвакуация қилинган ва кўчирилган, қон ҳосил қилувчи органлар касалликлари (ўткир лейкоз), қалқонсимон без (аденома, рак) ва хавфли ўсмалар билан боғлиқ касалликларга чалинган ходимларга;
меҳнатда майибланиш ва касб касаллиги натижасида вақтинчалик меҳнатга лаёқатсиз бўлган ходимларга;
пандемия, техноген, табиий ва экологик тусдаги фавқулодда вазиятлар юзага келган ҳолларда, ушбу фавқулодда вазиятларга сабабчи бўлган инфекцияси билан зарарланиши ёки зарарланган деб гумон қилиниши муносабати билан карантинга жойлаштирилган ва 14 ёшгача бўлган боласини парвариш қилаётган ота-оналарга (уларнинг ўрнини босувчи шахслар, васийлар, ҳомийлар).
Юқоридаги қоидага асосан, Сизнинг 3 нафар 16 ёшга тўлмаган фарзандларингиз бўлса, Сизга ўртача ойлик иш ҳаққизни 100 фоизи миқдорида меҳнатга лаёқатсизлик нафақаси тўланади. Кам тўланса, Адлия бўлимига ёки прокуратурага ариза беришингиз керак улар ҳолатни ўрганиб чиқиб сизга амалий ёрдам беради.
@Huquqshunos_yordami
