❓ Ўқитувчи аттестациядан ўтаолмаса меҳнат шартномаси бекор қилинадими?
Cавол❓Ман 2023 йил Математика фанидан қайта тайёрловда ўқиб шу йили ишга кирдим ва шу йили кузда навбатдан ташқари аттестациядан ўтолмадим 42 балл олдим иккинчи йил ҳозирги баҳорги аттестациядан ҳам 42 балл билан ўтолмадим . Мени энди меҳнат шартномам бекор қилинадими мактаб раҳбари томонидан шунга аниқлик киритиб берсангиз. Ҳозирги янгиланган қарорларни билмайман. Раҳбаримиз меҳнат шартномангиз кўриб чиқилади деб айтди.
ҲУҚУҚШУНОС ЖАВОБИ: Вазирлар Маҳкамасининг 2021 йил 17-центабрдаги 572-сон қарорига 1-ИЛОВА сифатида тасдиқланган «Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида«ги Низомнинг 44-банди г) кичик бандига кўра:
мутахассис ёки олий маълумотли ўқитувчи лавозимидаги педагог кадр:
▫️60 балл ва ундан юқори кўрсаткичга эга бўлса — аттестациядан ўтган, иккинчи малака тоифаси (катта ўқитувчи лавозими) берилган;
▫️55 баллдан 59 баллгача кўрсаткичга эга бўлса — аттестациядан ўтган, мутахассис (олий маълумотли ўқитувчи) лавозими сақланган;
▫️55 баллдан кам кўрсаткичга эга бўлса — аттестациядан ўтмаган, мутахассис (олий маълумотли ўқитувчи) лавозимига мувофиқ эмас деб (навбатдан ташқари аттестацияга жалб этилган педагог кадрлар бундан мустасно) ҳисобланади.
Навбатдан ташқари аттестацияга жалб этилган педагог кадрлар аттестациядан ўта олмаган тақдирда, уларнинг малака тоифаси (лавозими) туширилмайди ҳамда улар лавозимига мувофиқ эмас деб ҳисобланмайди.
Мутахассис (олий маълумотли ўқитувчи) лавозимидаги педагог кадрлар навбатдаги мажбурий аттестациядан ўта олмаган тақдирда, иш берувчи ходимнинг малакаси етарли бўлмаганлиги сабабли у билан тузилган меҳнат шартномасини меҳнат тўғрисидаги қонунчилик ҳужжатларида белгиланган тартибда бекор қилиш ҳуқуқига эга.
Юқоридаги Низомнинг 44-бандига асосан, сиз навбатдан ташқари аттестациядан ўта олмасангиз ҳам сиз билан тузилган меҳнат шартномаси бекор қилинмайди.
Агар сиз мажбурий аттестациядан ўта олмасангиз, Сиз билан тузилган меҳнат шартномаси бекор қилинади.
Manba: @Huquqshunos_yordami telegram kanal
