⚡️KVOTA-2025: 5 yillik stajga ega ayollar uchun imkoniyat
#abituriyent
✅ To‘lov-kontrakt asosida o‘qishga 2500 ta qo‘shimcha joy
Agar sizda kamida 5 yil ish tajribangiz bo‘lsa, bu imkoniyat aynan siz uchun!
📌 Muhim eslatma: bu qo‘shimcha kvotalar faqat to‘lov-kontrakt asosida taqdim etiladi. Davlat granti uchun amal qilmaydi.
📚 Tavsiyanoma kunduzgi, kechki va masofaviy ta’lim shakllari uchun ham mos keladi.
‼️ Diqqat: bu tavsiyanoma faqat birinchi tanlangan yo‘nalish uchun amal qiladi. Ikkinchi va keyingi yo‘nalishlarga ta’siri yo‘q.
❓»Yo‘nalishlar ko‘rsatilmagan, faqat OTM nomi bor» — bu nimani anglatadi?
Kvotalar yo‘nalishlar kesimida emas, balki OTM (universitet) kesimida ajratilgan. Keling, sodda misol bilan tushuntiramiz:
🟩 Masalan, O‘zMU uchun 14 ta kontrakt kvotasi ajratilgan.
Aytaylik, 5 yillik stajga ega 30 nafar ayol birinchi yo‘nalish sifatida O‘zMUni tanladi. Ular turli yo‘nalishlarda: tarix, fizika, matematika va h.k.
✅ Avval ular umumiy tanlovda o‘z ballari bilan ishtirok etadi. Agar ularning bali tanlagan yo‘nalishiga yetarli bo‘lsa — ular oddiy tartibda talaba bo‘ladi, tavsiyanomaga hojat yo‘q.
🔄 Endi, agar 30 kishidan 15 tasi o‘qishga kira olmasa, ularga alohida tanlov o‘tkaziladi. Ballar taqqoslanadi, eng yuqori ball to‘plagan 14 nafar abituriyent kontrakt asosida birinchi tanlagan yo‘nalishiga qabul qilinadi.
👉 Boshqacha qilib aytganda, bu tavsiyanoma — asosiy tanlovdan o‘tolmaganlarga ikkinchi imkoniyat.
❓“Tavsiyanoma ball qo‘shib beradimi?”
❌ Yo‘q, bu imtiyoz ball qo‘shmaydi. Shunchaki alohida tanlov orqali yana bir bor kirish imkonini yaratadi.
Agar ushbu ma’lumotni boshqalarga ulashmoqchi bo‘lsangiz, ularni ham xabardor qilishga yordam beradi.
