❓ Бино қурилмаган бўш ерни кадастр қилиш тартиби қандай?
Cавол❓ Бизда ер жой томорқа бор. Кадастр қилинмаган. Ер жиянимизни номида. Олганимизга 10 йилдан ошди. Кадастр қилиб ўзимизни номимизга олиш кк. Ўзимизни номимизга олиш учун бино қуриш шартми. Ер жой кўтарилган лекин иморат қилинмаган.
Иморат қилмасдан кадастр қилиб ўтказиш мумкинми. Қандай имкониятларимиз бор . Кенгроқ маълумот беринг. Шунга қандай аниқлик киритса бўлади. Қонун фармонлари борми
ҲУҚУҚШУНОС ЖАВОБИ: «Қишлоқ хўжалигига мўлжалланмаган ер участкаларини хусусийлаштириш тўғрисида«ги қонунининг 14-моддасида кўра ер участкаларини хусусийлаштириш ер участкаларини онлайн аукцион орқали сотиб олиш йўли билан амалга оширилиши мумкинлиги таъкидланган.
Сиз шу онлайн аукцион орқали мулк ҳуқуқини қўлга киритишингиз мумкин.
Вазирлар Маҳкамасининг 2022 йил 14 февралдаги 71-сон қарори билан тасдиқланган маъмурий регламентга мувофиқ сиз туман (шаҳар) ҳокимиятига шу ерни хусусийлаштириш бўйича мурожаат қилишингиз яъни ҳокимиятдан шу ер участкасини буюртмачи сифатида аукционга қуйишини сўраб мурожаат қилишингиз керак.
Ҳокимият эса уни шартли чегараларини белгилаб, давлат кадастрлик палатасининг туман (шаҳар) филиалига юборади. Филиал эса ер участкаси ҳақиқатан ҳам бўш ер эканлиги ёки тақиқ бор-йўқлигини аниқлаб яна қайтариб ҳокимиятга юборади.
Ҳокимият эса уни давлат кадастрлик палатасининг ҳудудий (вилоят) бошқармасига юборади. Бошқарма эса уни «Ерэлектрон » АТТ га киргизади.
Яна бир неча босқичлардан сўнг ер участкаси аукционга қўйилади, шунда сиз ютиб олиб, ер участкасини мулк ҳуқуқи асосида қўлга киритишингиз мумкин.
